由 Halloween 開始到 Christmas，有無發現市面的口罩款式比以往新潮咗好多？唔淨止得白色、黑色或者純色，不少口罩廠商設計咗各式各樣造型口罩，好似前幾日見到有款 2021 新年口罩，上面印有2021年、Happy New Year 等設計元素，但同時間於紫光燈照射下就有螢光效果。所以你話，香港人幾咁靈活多變？喺防疫同創意之間，都可以創造無限商機。
口罩已成為我哋生活必需品，亦因為戴上口罩後，幾乎半塊臉遮住，所以好多人都開始重視口罩好唔好睇、夠唔夠型，逐漸成為突顯個人特色嘅潮流配件。有啲品牌仲搵埋知名 designer 設計限定款口罩，引起蒐集、收藏熱潮，可以滿足消費者每日出門搭配服裝之餘，亦憑口罩 sell 埋品牌風格，一舉兩得。另外，有口罩廠商仲會幫企業印製有自己公司 logo 嘅口罩，提供給員工返工時用，有助提升品牌形象。最近南韓總統在國務會議戴上印有人氣韓漫，令該韓漫引起不少話題，順勢帶起韓漫的熱潮。可想而知，防疫下只要動動腦，加點創意，便能相得益彰。
如何在被疫情規範的活動模式下，突顯大家的生活態度？我們香港人出晒名識變通，適應力強，令疫情期間衍生了不同的商機，香港人加油。
＃MrBusiness #口罩潮流
Search